Shprehja e përdorur gjerësisht së fundmi nga kryeparlamentari Ilir Meta, në një kohë të ndezur politike në vend, “me qetësi dhe dashuri” nuk ka lënë indiferent edhe një nga përfaqësuesit e organit të akuzës.
Prokurori Ramadan Troci, emër që u bë i njohur me arrestimin e ish guvernatorit të Bankës së Shqipërisë, Ardian Fullani e pas transferimit në Vlorë edhe me prangosjen e kreut të Bashkisë, Shpëtim Gjika, e ka vlerësuar së tepërmi shprehjen e Metës.
Duket se i ka pëlqyer aq shumë, sa nuk ka hezituar t’i japë like (pëlqim) postimit të bërë nga këshilltari për media i Metës, që në datën 9 mars ka vendosur si cover në profilin e tij në FB, foton e Metës me mesazhin” me qetësi dhe dashuri”.
Jo vetëm kaq, por Troci edhe e ka komentuar postimin: “Shprehje që vlen sa 1 milione fjalë” shkruan prokurori.
NDIQE LIVE "PANORAMA TV" © Panorama.al