Një gjeolog turk, thotë se një tërmet i fortë me intensitet prej 7.6 ballë pritet të ndodhë në Detin Marmara, ndërsa do të ndihet deri në Itali dhe Austri, përveç një sërë zonash të Turqisë.
Engin Er, Presidenti i Degës Juglindore të Dhomës së Inxhinierëve Gjeologë, deklaron se tërmeti pritet në det të hapur. Sipas tij, për shkak të ndërveprimit dhe valëve të tërmetit, qyteti turk i Bursës do të preket më rëndë.
Sipas tij, është një tërmet që mund të ndodhë në vijën tektonike që fillon në Iznik, vija e zakonshme tektonike që fillon në Anadollin e Veriut dhe vazhdon drejt Gemlik, Orhangazi, Mudanya dhe Karacabey.
Duke thënë se Bursa ka një vijë sizmike që prodhon tërmet deri në madhësi 7.2 ballë, Er tha, “Në tërmetin që ndodhi në Bursa në 1855, 16 nga 20 kupolat e Xhamisë së Madhe, Pazari i Madh Historik dhe muret u shkatërruan. Shumë fshatra në rrafshin Mustafakemalpaşa janë shkatërruar. Rreth një mijë njerëz humbën jetën. Ne nuk mund ta dëgjojmë tërmetin me madhësi 3 ballë në vijën sizmike në detin Marmara. Sidoqoftë, nëse do të kishte një tërmet në pjesën juglindore, të gjithë do ta ndiejnë atë. Kur një tërmet me madhësi 3.1 ndodhi një muaj më parë, të gjithë u ngritën në këmbë. Një tërmet që mund të ndodhë në Bursa me të vërtetë mund të shkaktojë dëme të konsiderueshme. Duhet të marrim masa urgjente në lidhje me këtë”.
/Me shkurtime nga Milliyet/
NDIQE LIVE "PANORAMA TV" © Panorama.al
