Presidenti i Republikës, Bujar Nishani është takuar me ambasadorin amerikan në Tiranë, Donal Lu. Takimi është zhvilluar në mjediset e Presidencës.
Ky takim është zhvilluar me dyer të mbyllura dhe nuk dihen me saktësi temat e tij. Por ai vjen vetëm pesë ditë para mbajtjes së zgjedhjeve lokale të 21 qershorit.
Kohët e fundit, ambasadori amerikan ka shprehur shqetësimet e tij për përfshirjen në politike të personave me rekorde kriminale. Gjithashtu, në një intervistë për “Zërin e Amerikës”, Lu ka theksuar se SHBA-të do t’ua ndalojnë vizat zyrtarëve shqiptarë të korruptuar.
NDIQE LIVE "PANORAMA TV" © Panorama.al
