“Presidenti nga pikëpamja kushtetuese është korrekt”, ish-Prokurori për protestën e kontrollorëve: Duhet t’ju vijë turp! Kjo nuk është vetëm punë lekësh

Apr 7, 2021 | 22:37
SHPËRNDAJE

Ish-kryeprokurori i Apelit, Shkëlqim Hajdari thotë se nëse Presidenti i Republikës, Ilir Meta e ka bërë publike çështjen e kontrollorëve është korrekt nga pikëpamja kushtetuese.
hajdari 1

I ftuar në “Real Story” në News24 Hajdari tha se greva e kontrollorëve të trafikut ajror nuk është vetëm punë lekësh, por se është e dënueshme penalisht dhe moralisht.

“Në qoftë se e ka bërë para katër javëve takimin, Presidenti nga pikëpamja e vet, kushtetuese si President i Republikës është korrekt, në kuptimin e bërjes publike të shqetësimit që kanë këta njerëz, pavarësisht nëse qëndron apo jo shqetësimi i tyre, pavarësisht se ka dhe rrugë të tjera që ato munden. Sido që ato të gjejnë argumente, ato për turpin e tyre, kushdo nga ato, nuk ka rëndësi se ku do votojnë më datë 25 a do votojnë majtas, a do votojnë djathtas, a do votojnë ku t’iu dojë qejfi, ato kur të kujtohen se çfarë kanë bërë sot, do iu vijë turp nga familja e tyre.

Se kjo punë nuk është vetëm punë lekësh, duhet ta themi shqip. T’i ndërpresësh Republikës së Shqipërisë në prag zgjedhjesh dhe në prag të një stërvitje të madhe dhe sigurisht dhe në kushte pandemie, kur përgatitet një stërvitje e madhe, pararoja e njerëzve që merren me logjistikën vijnë përditë nga Brukseli. Ka një muaj që zbarkojnë avionët. Të devijosh gjithë trafikun ajror të vendeve që kalojnë mbi Shqipërinë, të bëhesh lajm botëror, kjo është një gjë totalisht e dënueshme, moralisht se penalisht po e po, por edhe moralisht këtyre njerëzve, kur të kthjellohen nga alkooli se këtu në Shqipëri ka dhe njerëz që dehen pa alkool do të bëhen pishman për këtë që kanë bërë”, deklaroi Hajdari.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.