Presidenti i Republikës të Shqipërisë, Ilir Meta priti sot në takim Zëvendës Ndihmësen e Sekretarit Amerikan të Shtetit, Elisabeth Millard.
Të dy bashkëbiseduesit vlerësuan rëndësinë e ecurisë së reformave për të forcuar shtetin e së drejtës në interes të konsolidimit të ligjit, si dhe të integrimit europian, thuhet në një njoftim për mediat nga zyra e shtypit pranë Presidencës.
Presidenti Meta garantoi Millard se Shqipëria është e vendosur në përmbushjen e detyrimeve që burojnë nga dokumenti i Partneritetit Strategjik Shqipëri-SHBA.
Gjatë takimit u diskutua edhe për zhvillimet në rajonin e Ballkanit Perëndimor.
Presidenti Meta theksoi rëndësinë e finalizimit të dialogut Kosovë-Serbi përmes marrëveshjes që garanton perspektivën europiane, konsolidon bashkëjetesën ndëretnike dhe paqen në rajon.
Të dy bashkëbiseduesit theksuan rëndësinë e suksesit të referendumit në Maqedoni për të ardhmen europiane të të gjithë rajonit.
NDIQE LIVE "PANORAMA TV" © Panorama.al
