Agjencia evropiane për mbrojtjen e trashëgimisë, Europa Nostra ka reaguar pas vendimit të Presidentit të Republikës, Ilir Meta në lidhje me nisjen e një hetimi ndërkombëtar për shembjen e Teatrit Kombëtar.
Nëpërmjet një shënimi në Twitter, Europa Nostra kanë falënderuar Presidentin për angazhimin e tij në mbrojtjen e trashëgimisë kulturore dhe njohjen e rolit kryesor të shoqërisë civile për ndërtimin e shoqërive demokratike.
“Ne e përshëndesim angazhimin e fortë të Presidentit Ilir Meta për trashëgiminë kulturore, si një burim kyç i të ardhmes evropiane të Shqipërisë. Ne gjithashtu e falënderojmë atë për njohjen e rolit kryesor të shqoërisë civile për ndërtimin e shoqërive demokratike. Teatri Kombëtar është një simbol i këtyre vlerave!” shkruan Europa Nostra.
Më herët Presidenti i vendit, Ilir Meta teksa njoftoi nisjen e një hetimi ndërkombëtar për shembjen e teatrit, u shpreh se tashmë atë duhet ta konsiderojmë një anëtar të ri të Europa Nostra.
“Ne u pajtuam për domosdoshmërinë e fillimit të një hetimi ndërkombëtar për këtë çështje dhe informimin e mëtejshëm në nivelin me të lartë të BE-së. Nga sot më konsideroni mua një anëtar të ri të Europa Nostra”, shkruante Presidenti.
NDIQE LIVE "PANORAMA TV" © Panorama.al