Një ish-polic në Durrës u arrestua i akuzuar se i kishte marrë rushfet një qytetari 1 mijë euro duke i premtuar se do t’i legalizonte banesën.
“Shërbimi për Çështjet e Brendshme dhe Ankesat (SHÇBA) pranë Drejtorisë Vendore të Policisë Durrës, në bashkëpunim me Prokurorinë pranë Gjykatës së Rrethit Krujë, arrestuan ish-punonjësin e Policisë Besim Meçe, 50 vjeç, nga fshati Kameras, Bashkia Manëz”- njofton ministria e Brendshme.
Sipas njoftimit, i arrestuari ishte prej disa javësh nën hetim. Arrestimi i Meçes u bë me vendim të Gjykatës për akuzën e “Shpërdorimit të detyrës” dhe “ Korrupsionit pasiv“.
Besim Meçe ishte punonjës policie, me detyrë trupë shërbimi në Komisariatin e Policisë Krujë, por doli në rezervë në 1 prill 2016 për shkurtim të funksionit organik.
SHÇBA po heton gjithashtu për zbardhjen e rasteve të përvetësimit të parave nga qytetarë të tjerë, prej shtetasit të ndaluar.
NDIQE LIVE "PANORAMA TV" © Panorama.al
