Politikani serb që njeh pavarësinë e Kosovës ka një porosi për Vuçiçin

Nov 18, 2019 | 7:53
SHPËRNDAJE

Politikani serb që e njeh pavarësinë e Kosovës, dhe që vazhdon ta mbështesë atë, Çedomir Jovanoviq, reagoi pas lajmit se presidenti Aleksandar Vuçiç ishte shtruar në spital me probleme kardiake.

politikani

Jovanoviq ka publikuar një fotografi në rrjetet sociale ku shihet pranë Vuçiqit, dhe e ka shoqëruar me një koment.

Jovanoviq uron që kreu i shtetit të kthehet shpejt në detyrë, në mënyrë që ta mposhtë, siç thotë ai, me ndershmëri.

“Ne kemi qenë këtu për 25 vjet, deri më sot të gjithë në vendin që ai zgjodhi, ai ishte gjithmonë një kundërshtar serioz, unë dua që ai të kthehet sa më shpejt që të jetë e mundur që ta mposht me ndershmëri”, ka qenë mesazhi i politikanit serb.

Vetë Vuçiq përmes Instagramit njoftoi se do të jetë në punë me kohë të plotë duke filluar nga e hëna. Presidenti 49-vjeçar, po mbahet në spital në vëzhgimin e mjekëve.

Ish-ultra nacionalisti që pretendon të jetë shndërruar në një reformator pro evropian, ka qenë pjesë e Partisë Radikale Serbe të drejtuar nga ultra nacionalisti Vojislav Sheshel deri në vitin 2008.

Gjatë luftës në Kosovë, Vuçiq shërbeu si ministër për informim në Qeverinë e Sllobodan Millosheviq, e ka mbajtur dhe frerët e ekzekutivit të vendit në 2014, përpara se tre vjet më vonë, të zgjidhej president.

NDIQE LIVE "PANORAMA TV" © Panorama.al

Te lidhura