Policia e Fierit vuri në pranga një person i cili ishte në kërkim për veprën penale “Heqja e paligjshme e lirisë” e mbetur në tentativë, e kryer në bashkëpunim dhe “Konkurenca e paligjshme nëpërmjet dhunës”.
Specialistët për Hetimin e Krimeve në Komisariatin e Policisë Divjakë, bënë ndalimin e shtetasit Sh. K., 40 vjeç, banues në Lushnjë.
“Ndalimi i këtij shtetasi u bë në zbatim të vendimit të datës 13.12.2020 së Gjykatës së Rrethit Gjyqësor Lushnjë, e cila ka caktuar masën e sigurisë “Arrest me burg” për kryerjen e veprave penale “Heqja e paligjshme e lirisë“, e mbetur në tentativë, e kryer në bashkëpunim dhe “Konkurenca e paligjshme nëpërmjet dhunës“.
Shtetasi Sh. K., në bashkëpunim me shtetasit A. B., 24 vjeç dhe G. B., 19 vjeç, (të cilët janë shpallur në kërkim), në datë 06.12.2020, në fshatin Gradishtë, Divjakë, kanë tentuar të marrin me forcë jashtë dëshirës shtetasin J. Ll., 31 vjeç”, tha Policia.
Sakaq, në pranga ra edhe shtetasi F. B., 33 vjeç, banues në Roskovec, pasi është kapur nga shërbimet e Policisë duke drejtuar automjetin tip “Porche” në gjendje të dehur.
Materialet i kaluan Prokurorisë pranë Gjykatës së Shkallës së Parë Fier për veprën penale “Drejtimi i mjetit në mënyrë të parregullt”.
NDIQE LIVE "PANORAMA TV" © Panorama.al
