Policia e Vlorës, në bashkëpunim me kolegët e qyteteve të tjera janë vënë në kërkim të njërit prej atentatorëve që plagosi Armando Sulejmanin mbrëmjen e së dielës në hyrje të pallatit të tij në lagjen “Pavarësia”.
“Panorama.al” mëson se kanë qenë dy persona me armë dhe me maska që e kanë pritur Sulejmanin në hyrje të pallatit dhe kanë qëlluar në drejtim të tij.
Edhe i plagosuri ka qenë i armatosur dhe ka qëlluar mbi atentatorët të cilët janë larguar në drejtim të paditur.
Njëri prej tyre dyshohet se është plagosur dhe për të po vijojnë kërkimet edhe nëpër spitalet e rretheve.
I plagosuri është person me precedent penalë të mëparshëm dhe pak kohë më parë kishte dalë nga burgu.
Ai ishte dënuar me 20 vite burg në vitin 2002 nga Gjykata e Apelit Vlorë, vendim i cili ishte lënë në fuqi edhe nga Gjykata e Lartë.
Pasi akuzohet për vrasjen e shtetasit Robert Boraku, ngjarje e ndodhur në datën 22.6.2002.
Sulejmani më herët njihej edhe me pseudonimin Çipuri.
Q.B
NDIQE LIVE "PANORAMA TV" © Panorama.al