Dy të rinj shqiptarë janë arrestuar nga policia italiane, gjatë një shërbimi që synonte luftimin e tregtisë së drogës.
Mediat vendase raportojnë se shqiptarët të moshave 24 dhe 28-vjeç akuzohen për trafikimin e drogës dhe bëhet e ditur se ishin emra të njohur për policinë italiane.
Kontraktori i dy shqiptarëve ishte një shtetas italian banues në Firence.
Nga kontrolli i makinës dhe shtëpisë së dy shtetasve shqiptarë u zbuluan dhe sekuestruan 9 doza kokainë, 134 gramë hashash dhe 970 euro para të gatshme, të konsideruara si të ardhura nga shitja e drogës.
Të arrestuarit janë dërguar në burgun Sollicciano në Firence.
NDIQE LIVE "PANORAMA TV" © Panorama.al