Një shqiptar është arrestuar me të paktën 70 kilogramë lëndë narkotike nqë makinë mbrëmjen e djeshme nga policia italiane në Valdarno.
Mediat italiane shkruajnë se 38 vjeçari me inicialet A.V kishte fshehur në bordin e makinës një sasi droge e cila do ti sillte jo pak por 350 mijë euro fitime nëse do ta shiste në tregun me pakicë.
Ditët e fundit, policia në Fiorentino kishte marrë informacione se një person me kombësi shqiptare që banonte në krahinën e Firences kishte vizituar Italinë e Jugut me një makinë të errët “Renault Koleos” për të marrë një sasi të konsiderueshme droge e destinuar për në tregun e provincës.
Për këtë arsye, gjatë gjithë ditës së të premtes, kishte patrullime në rrugët kryesore që të çonin në Firence. Përpjekjet e karabinierëve u “shpërblyen” pasditen vonë, kur në “rrjetën” e tyre përfundoi automjeti i kërkuar, i përdorur për transportin e drogës.
Pas vëzhgimit për disa kilometra, në rastin më të parë, policia ushtroi kontrollit të automjetit dhe shoferi me sinqeritet pranoi paraprakisht se po transportonte drogës.
Në bagazhin e pasmë, ka qenë e fshehur me një pëlhurë katër pako të mbështjellja me celofon, pesha totale e të cilës ishte 70 kg. 38 vjeçari shqiptar u arrestuam, ndërsa u sekuestrua edhe droga.
NDIQE LIVE "PANORAMA TV" © Panorama.al