Drejtori i Përgjithshëm i Entelës, Mateo Mateaci, ka bërë një pasqyrë të situatës në merkato teksa në një prononcim të dhënë së fundmi në faqen zyrtare të klubit, e ka konsideruar të pashitshëm sulmuesin shqiptar Silvio Merkaj, që zhvilloi një sezon të shkëlqyer te Entela.
“Do të doja të filloja me thashethemet për sulmuesin tonë Merkaj. Sa i përket Silvios, situata është shumë e qartë: ai është një lojtar i pashitshëm.
Qarkullojnë thashetheme, ndoshta të hedhura nga menaxherët, të cilat kishin të bënin edhe me interesim të Peruxhias, por presidenti Goci dhe Santopadre janë shumë miq dhe ditët e fundit presidenti ynë i përsëriti numrin një të klubit të Peruxhias, se Merkaj nuk do të largohet dhe është i pashitshëm”, u shpreh ai.
Vlen të theksohet se gjatë kësaj merkato, pati edhe një interesim të Partizanit, për transferimin e Merkajt në futbollin shqiptar, por kjo pistë dështoi.
PANORAMASPORT.AL
NDIQE LIVE "PANORAMA TV" © Panorama.al
