Nikolo Barela, i cili po shkëlqen me fanellën e Interit në këtë sezon i ka idetë e qarta sa i përket objektivave të skuadrës zikaltër.
Gjatë një interviste në “Gazzetta Sports Awards 2021”, mesfushori italian ka deklaruar se synim ka mbrojtjen e titullit kampion, por edhe që në stemën të ketë dy yje duke simbolizuar dëshirën që ekipi i Inzagit të fitojë kampionatin e 20-të në historinë e saj:
“Duam të mbrojmë titullin kampion të sezonit të kaluar dhe duam dhe yllin e dytë në stemë. Kampionati është ende i gjatë, i luftuar dhe shumë i fortë.
Ne jemi Interi dhe duam vetëm të fitojmë, sepse historia e klubit kështu e karakterizon.
Viti i kaluar ishte shumë i bukur, intensiv dhe i vështirë. Gjithçka nisi nga ajo finale e humbur në Europa Ligë ndaj Sevijas. Nga aty nisi e gjithë puna jonë.”, përfundoi Barela.
NDIQE LIVE "PANORAMA TV" © Panorama.al
