Me sa duket është më lehtë të marrësh një kredi 10 mln euro se sa kredinë për pagat e luftës, me garanci sovrane nga shteti si pjesë e paketës financiare për të ndihmuar biznesin në këtë periudhë krize nga pandemia e koronavirusit.
Shoqatat e bizneseve kanë shprehur ankesa për bankat të cilat sipas tyre nxjerrin pengesa burokratike. Kjo gjë po lë pa paga punonjësit për dy muaj.
“Bankat nuk japin kredinë për pagat e punonjësve. Më lehtë të marrësh kredi 10 mln euro sesa kredinë për pagat. Bankat nxjerrin pengesat burokratike.
Po lënë punonjësit 2 muaj pa paga megjithëse e kemi plotësuar dokumentacionin e kërkuar”, deklarojnë bizneset.
Ata kërkojnë të rregullohet marrëveshja e qeverisë me bankat. “Qeveria të marrë përsipër riskun e kredive për pagat”, shprehen më tej bizneset.
NDIQE LIVE "PANORAMA TV" © Panorama.al
