Duket se Scott Disick nuk e ka pritur aspak mirë lajmin se ish-partnerja e tij, Kourtney Kardashian, është fejuar me bateristin Travis Barker.
Themeluesi i linjës së veshjeve “Talentless” po mundohet të shpërqendrojë veten nga ngjarjet e fundit, pasi mbrëmë u fotografua në Los Anxhelos nën shoqërinë e një vajze të re. 38-vjeçari u pa krah për krah me modelen 23-vjeçare Elizabeth Grace Lindley, sipas fotografive të siguruara nga “Daily Mail”.
Kjo është hera e parë që Scott del me një vajzë të re që kur u nda nga ish e dashura, Amelia Grey Hamlin, në muajin shtator pas gati dy vitesh lidhje. Një ditë pas propozimit romantik që Travis i bëri Kourtney-t, një burim tha se Disick po “çmendej” nga ideja se së shpejti nëna e fëmijëve të tij do të martohet sërish.
Pas ndarjes nga Kardashian, Disick ka dalë vetëm me vajza të reja në moshë. Hamlin është vetëm 20 vjeç. Modelja, e cila është vajza e yllit të “Real Housewives of Beverly Hills”, Lisa Rinna dhe aktorit Harry Hamlin, nisi të dilte me Scott kur ishte vetëm 19 vjeç.
Ai gjithashtu ka qenë i lidhur me Sofia Ritchie nga viti 2017 deri në vitin 2020. Kur u ndanë, ajo ishte vetëm 21 vjeç.
Marrëdhënia më e gjatë e Disick ishte me Kardashian, 42 vjeç, nga viti 2005 deri në 2015. Ata kanë tre fëmijë: Mason, 11 vjeç, Penelope, 9vjeç dhe Reign, 6 vjeç.
NDIQE LIVE "PANORAMA TV" © Panorama.al