Drejtësia italiane dënoi me 6 vjet burg shqiptarin 31-vjecar Emanuel Demaj, në akuzë për plagosjen e një rumuni.
Mediat italiane shkruajnë se ngjarja për të cilën u dënua shqiptari daton në 8 janar të 2013 dhe ndodhi pas një sherri në një lokal, që përfundoi në përdorimin e armës.
Rumuni përfundoi në spital, ndërkohë që pas kësaj rezultoi se dosja e shqiptarit ishte plot me vepra penale.
Ai u etiketua jo vetëm për një seri aktesh kriminale, por edhe sepse në profilin e tij në FB kishte postuar foto me dy kallashnikovë në dorë. Ai rezultonte i arrestuar në Francë, pasi ishte në kërkim ndërkombëtar, ndërkohë që në makinë iu gjetën 2 kg flori dhe bizhuteri.
Në vitin 2011 ai ishte viktimë e një sulmi me armë, nga i cili mbeti i plagosur. Shqiptari sipas medias italiane akuzohet se ishte kreu i një bande grabitësish. Në vitin 2012 kjo bandë kreu së paku tre grabitje, të cilat janë të dokumentuara nga policia.
NDIQE LIVE "PANORAMA TV" © Panorama.al
