– Shumë pak tifozë në “Selman Stërmasi”. Ndeshjen dje e ndoqën jo më shumë se 500 të pranishëm. Bojkoti i “Tirona Fanatics” vazhdon për shkak të rregullit të kartës së identitetit. Tomori nuk ishte vetëm dje, pasi një numër i vogël ultrasish kishin rezervuar vendin e tyre në stadium për të përkrahur skuadrën e zemrës.
– Aldo Mitraj e ndoqi ndeshjen nga tribuna. Një dëmtim fatkeq e ka lënë jashtë për Tiranën. Sulmuesi edhe javën e 14-të ka luajtur me gishtin e thyer, ndërsa dje është këshilluar nga mjekët që të mos rrezikojë.
– Doka, Bardhi, Muçi dhe Abibi e ndoqën takimin nga sektori VIP. I pari ka qenë i dëmtuar, ndërsa pjesa tjetër mbetën jashtë 18-shes, ndaj dje ishin vetëm si tifozë. – Naim Halili “spiunon” Tiranën. Menaxheri i Kukësit ishte i pranishëm dje në stadium për të parë nga afër kundërshtarin e radhës. Kujtojmë që, të mërkurën, bardheblutë shkojnë në “Zeqir Ymeri” për të luajtur ndeshjen e dytë që “vulos” gjysmëfinalet.
– Tension pas kartonit të kuq. E verdha e dytë e dhënë ndaj Florian Kopaçit nuk është pritur mirë nga beratasit. Jo vetëm sulmuesi, por edhe kapiteni Bitri dhe trajneri Arbri janë futur në fushë për t’i kërkuar llogari kryesorit.
– Genc Tomori inspekton fushën. Drejtori i akademisë së Partizanit ishte në tribunë dje. Por më shumë se për të parë ndeshjen, sigurisht që ishte interesi për gjendjen e terrenit, pasi siç dihet të kuqtë luajnë sot në “Selman Stërmasi”.
– Ka humor me penalltitë në tribuna. Nëse vjet kryeqytetasit vuanin aq shumë për të marrë 11- metërsh, madje një ndër shkaqet që solli rënien ishte pikërisht kjo, tashmë i marrin me lehtësi.
NDIQE LIVE "PANORAMA TV" © Panorama.al
