Pas pezullimit nga detyra të Arben Malajt, si anëtar i Këshillit Mbikëqyrës të Bankës së Shqipërisë ka reaguar nënkryetari i LSI-së, Petrit Vasili.
Në një postim në facebook, Vasili shkruan se kjo është mirënjohja e rilindjës për socialistët dhe se nuk ka tërmet që e ndal, atë që ai e quajti “hakmarrje”.
Postimi i plotë:
Pezullojne Arben Malaj, Profesorin e financave,socialistin e oreve te para dhe nje nga ministrat, qe kane qene krenaria e partise socialiste edhe kush pa shkollepaket e Rilindjes.
Kjo eshte mirenjohja e rilindjes per socialistet.
As termeti nuk i ndal rilindasit kur vjen puna per hakmarrje.
Lexojeni vendimin e qeverise se shkollepakesise.
VENDIM Nr. 766, datë 3.12.2019 PËR PEZULLIMIN NGA DETYRA TË NJË ANËTARI TË KËSHILLIT MBIKËQYRËS TË BANKËS SË SHQIPËRISË
Në mbështetje të nenit 100 të Kushtetutës dhe të pikës 1, të nenit 47, të ligjit nr. 8269, datë 23.12.1997, “Për Bankën e Shqipërisë”, të ndryshuar, me propozimin e Kryeministrit, Këshilli i Ministrave
VENDOSI:
1. Z. Arben Malaj, anëtar i Këshillit Mbikëqyrës të Bankës së Shqipërisë, pezullohet nga kjo detyrë.
2. Propozimin Kuvendit të Republikës së Shqipërisë për shkarkimin e z. Arben Malaj nga detyra e anëtarit të Këshillit Mbikëqyrës të Bankës së Shqipërisë.
Ky vendim hyn në fuqi menjëherë.
ZËVENDËSKRYEMINISTËR
Erion Braçe
