Pesë muaj para ekzekutimit nga RENEA Lefter Zhidru ishte konfliktuar me një banore të lagjes, gruaja ishte ankuar te Policia e Shtetit. Detajet

Sep 25, 2020 | 21:37
SHPËRNDAJE

Disa nga dëshmitarët në lagjen “11 Nëntori” në Elbasan  kanë thënë se Lefter Zhidru, viktima e aksionit të djeshëm prej 5 orësh të Policisë së Elbasanit dhe RENEA-s, ishte tip problematik.

Lefter Zhidru1

Madje ditën e sotme u raportua edhe lajmi se një qytetare i kishte shprehur shqetësimin e saj në lidhje me Lefter Zhidrun, duke i nisur emali, drejtorit të Policisë së Shtetit, Ardi Veliu.

Por Policia e Shtetit mohon që një mesazh i tillë ti ketë mbërritur Veliut. Në njoftimin për media sqarohet se një shtetase e kësaj lagjeje ka dërguar një email në “[email protected]” dhe  ka raportuar konfliktin që ka pasur me viktimën.

Më pas kërkesa i është përcjellë organeve përkatëse, që e kanë verifikuar dhe trajtuar problematikën dhe më pas “janë thirrur dhe kontaktuar palët e përfshira në konflikt dhe prej asaj date nuk ka patur më asnjë ankesë në polici.”

Sqarimi i policisë:

Në lidhje me lajmin e publikuar në disa media se një shtetase nga lagjja “11 Nëntori”, Elbasan, i ka dërguar e-mail Drejtorit të Përgjithshëm të Policisë së Shtetit, për t’i kërkuar ndihmë për një konflikt që kishte me shtetasin Lefter Zhidru, sqarojmë opinionin publik se:

Më datë 04.05.2020, në adresën zyrtare të e-mail-it [email protected], është dërguar e-mail nga zonja, e cila ka raportuar konfliktin që kishte me këtë shtetas. 

Me urdhër të Drejtorit të Përgjithshëm të Policisë së Shtetit, ankesa i është përcjellë menjëherë po atë ditë strukturave përkatëse.

Këto struktura kanë verifikuar dhe trajtuar problematikën, duke kryer veprimet e nevojshme, mbi bazën e procedurave standarde të punës.

Janë thirrur dhe kontaktuar palët e përfshira në konflikt dhe prej asaj date nuk ka patur më asnjë ankesë në polici. Mes këtyre dy familjeve kishte dhe një proces civil në Gjykatën e Apelit.

Policia e Shtetit fton çdo media ta kontaktojë zyrtarisht, për të shmangur informacionet e pasakta, si dhe qytetarët të denoncojnë çdo paligjshmëri, duke iu garantuar reagim me shpejtësi dhe profesionalizëm.

NDIQE LIVE "PANORAMA TV" © Panorama.al

Te lidhura