Pesë gjëra që çdo grua duhet të dijë për të kuptuar nëse vuan apo jo nga kanceri i gjirit

| 15:00
SHPËRNDAJE
 

Pothuajse një milion gra kanë humbur kontrollet vitale të gjirit për shkak të pandemisë së koronavirusit dhe diagnostikimi i hershëm është thelbësor për të shpëtuar jetë.

kanceri i gjirit (1)

Kanceri i gjirit vret mbi 11,000 njerëz në Mbretërinë e Bashkuar çdo vit, me mbi 55,000 njerëz që diagnostikohen me këtë gjendje çdo vit, raporton “The Sun”.

Hulumtimi i kancerit thotë se mbi 23% e rasteve të kancerit të gjirit janë të parandalueshme dhe një raport i fundit nga “Kanceri i Gjirit” nënvizoi se kontrollet e pacientëve me kancer të gjirit ranë me 70% në kulmin e pandemisë Covid-19.

Bamirësia “CoppaFeel” deklaron se kontrolli duhet të jetë një zakon mujor.

Tetori është muaji i ndërgjegjësimit për kancerin e gjirit dhe këtu janë pesë gjërat që çdo grua duhet të dijë për të kontrolluar gjoksin për shenja kanceri.

kanceri i gjirit (2)

  1. Hapi i parë

Filloni duke u parë në një pasqyrë, duke i vënë krahët në ije dhe duke i mbajtur shpatullat drejt.

Ju duhet të kërkoni për gropa, lëkurë të fryrë, skuqje, ose për ndryshime në thithkë.

  1. Hapi i dytë

Duke qëndruar përpara pasyrës, ngrini të dy krahët mbi kokën tuaj dhe kontrolloni për të njëjtat ndryshime.

  1. Hapi i tretë

Me krahët akoma mbi kokë, kontrolloni për ndonjë lëng që mund të dalë nga thithkat. Kjo mund të përfshijë lëng qumështi, të verdhë ose të holluar me ujë, ose gjak.

  1. Hapi i katërt

Kur jeni shtrirë, përdorni dorën tuaj të kundërt për të kontrolluar secilin gji. Duke përdorur disa gishta dhe duke i mbajtur drejt dhe të bashkuara, bëni një lëvizje të vogël rrethore rreth gjinjve tuaj. Sigurohuni që e ndjeni të gjithë gjoksin.

  1. Hapi i pestë

Mundohuni ta ndjeni gjoksin kur qëndroni në këmbë ose ulur, duke përdorur të njëjtat lëvizje të vogla rrethore.

Nëse vëreni ndonjë ndryshim të pazakontë, atëherë është e rëndësishme që të vizitoni mjekun tuaj të përgjithshëm.

Indet e gjirit arrijnë deri në kockën e klavikulës dhe përtej sqetullës, prandaj është me rëndësi jetike të kontrolloni edhe këto zona.

kanceri i gjirit (3)

Gjinjtë ndryshojnë natyrshëm, si gjatë ciklit menstrual, kështu që duhet të njihni gjoksin tuaj, çfarë ndryshimesh pësojnë zakonisht për të ditur nëse ndonjë gjë është e jashtëzakonshme.

Nëse jeni shtatzënë, gjoksi do të pësojë shumë ndryshime dhe ndoshta kurrë nuk do të duket njësoj.

Jini të vetëdijshëm për çdo ndryshim të ri dhe vazhdoni t’i kontrolloni rregullisht.

Gjatë menopauzës, gjinjtë mund të ndryshojnë madhësinë dhe formën, por është akoma e rëndësishme të vizitoni mjekun për çdo ndryshim të ri.

Nëse ndonjë ndryshim ose gungë kërkon trajtim të mëtejshëm, mjeku juaj i përgjithshëm mund të rekomandojë një mamografi ose një biopsi.

Në cilën moshë duhet të shkoni për kontroll?

Rreth dy milion gra kontrollohen për kancer të gjirit çdo vit.

Programi i “NHS” për Kontrollin e Gjirit, aktualisht rekomandon gratë e moshës midis 50 dhe 70 vjeç dhe përfshin kontrolle çdo tre vjet.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.