Vihet në pranga një nga autorët e përplasjes me armë në një lokal te “ Shkëmbi i Kavajës”, në Durrës. Policia e Durrësit ka njoftuar sot se është arrestuar 44-vjeçarin, Arben Drazhi, banues i këtij qyteti dhe pronar i lokalit.
“Ky shtetas ka tentuar të vrasë më armë zjarri shtetasin A.B.21 vjeç, banues në Shënavlash Durrës”-theksohet në njoftimin e policisë.
Sipas saj, nga këqyrja e mjetit BMV me targë AA325MB në pronësi të të riut, mbi të cilin u qëllua me armë janë konstatuar disa dëmtime si pasoje e të shtënave.
Policia ka gjetur në cilësinë e provës materiale në vendngjarje: një gëzhojë kalibër 9 mm; një predhë kalibër 9 mm e deformuar; një pistolete kalibër 9 mm dhe një krëhër me 9 fishekë.
“Nga hetimet e kryera ka rezultuar se edhe shtetasi A.B. ka qëlluar në drejtim të lokalit dhe përkëtë arsye është bërë shpallja në kërkim dhe po punohet për kapjen e tij”- thotë policia.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ”Vrasja me dashje e mbetur në tentativë” dhe “Prodhimi dhe mbajtja pa leje eearmëve luftarake dhe e municionit”.
NDIQE LIVE "PANORAMA TV" © Panorama.al
