Përleshje mes shqiptarëve dhe afrikanëve në burg, disa të plagosur

SHPËRNDAJE

Një përleshje shpërtheu dje pasdite në burgun e Firences në Itali, ku 40 persona, shqiptarë dhe afrikano-veriorë, u përfshinë në një rrahje masive. Shqiptarët ishin njëri fraksion, përballë afrikanëve.

download

Të paraburgosurit u përballën me njëri-tjetrin në kampin sportiv të burgut, por shkaqet që çuan në luftën masive janë ende të panjohura.

Gjatë përleshjes, një oficer i policisë së burgut ndërhyri për t’i qetësuar duke pësuar nxjerrjen e shpatullës nga vendi, çka do t’i duhet 20 ditë për t’u rikuperuar.

“Dy fraksione në kundërshtim me njëra-tjetrën, nga njëra anë afrikanë dhe të tjerët shqiptarë, janë përfshirë në një sherr masiv, shkaqet e të cilit po hetohen”, tha zyrtari i lartë i burgjeve, Angelo Urso.

Përveç kësaj, katër ose pesë të burgosur të përfshirë në luftë janë transferuar në spital, ndërsa autoritetet kanë nisur hetimet për të sqaruar rastin.

Ajo çfarë është e çuditshme është se ndërkohë që kaq shumë të burgosur kishin dalë në kampin sportiv, ata i ruante vetëm një oficer policie, siç shkruan “Il Giornale”.

Falë ndërhyrjes së mëvonshme të personelit të policisë së burgut, të dënuarit u futën në qelitë e tyre pa trazira të mëtejshme.

 

Te lidhura

 

Artikulli paraprakRama “thumbon” sërish Tahirin: Në zgjedhjet e 2017, në Tiranë morëm shumë pak vota se...
Artikulli tjetër“E kam pranuar vdekjen”, këngëtarja e famshme rrëfen luftën me sëmundjen dhe zbulon se...

S'KA KOMENTE

Comments are closed.