Një 17-vjeçare e cila do merrte pjesë në testimin e pjekurisë, është përjashtuar nga klasa pasi flokët e saj ishin shumë të kuqe, shkruan ‘Daily Telegraph’.
Emily Reaye e cila ka flokë natyrale të kuqe është akuzuar nga mësuesja e saj se ajo ka lyer flokët gjatë pushimve dhe se kjo ishte kundër rregullave të shkollës Trinity në Carlisle në Angli.
“E kam pasur këtë ngjyrë flokësh prej 3 vitesh, dhe ato bëhen më të kuqe nga dielli’-ka thënë vajza.
Shokët e klasës dhe të njohurit e saj e quajnë ‘ginger singer’, për ngjyrën e theksuar të flokëve dhe sepse ajo është një këngëtare e njohur në Youtube.
“Mësuesja nuk e pranonte faktin se unë kam flokë natyralë. Kur më ka nxjerrë përjashta isha e nevrikosur dhe kam qarë gati për disa orë”-ka treguar Emily.
NDIQE LIVE "PANORAMA TV" © Panorama.al