Përhapja e COVID-19/ Epidemiologu publikon studimin, ja si mund të shmanget përkeqësimi i situatës në Shqipëri. Këshillat që duhen zbatuar

| 12:24
SHPËRNDAJE
 

AlimehmetiEpidemiologu, Ilir Alimehmeti ka publikuar një studim për vendet e Ballkanit Perëndimor dhe vendeve të tjera fqinje, ku sipas tij, rasti i Shqipërisë është ende i menaxhueshme dhe mund të shmanget përkeqësimi i situatës.

Sipas Alimehmetit, në Shqipëri ende nuk ka një transmetim komunitar të COVID-19 dhe infektimet aktualisht po ndodhin në grupe rastesh, të cilat ai i klasifikon me ngjyrën e verdhë te semaforit.

Ndërkohë që ndryshe paraqitet situata në Kosovë, ku transmetimi sipas tij është në ngjyrë të kuqe dhe situata ka kaluar në infektim komunitar.  Pra, shtetet me grupe rastesh janë ende epidemiologjikisht ne gjendje qe te evitojnë përkeqësimin e situates duke:
1. Ruajtur distancen fizike (2 metra)
2. Ruajtur higjienen e rregullt te duarve
3.Mbajtur masken nese nuk ruhet dot distanca fizike”, thekson ai.

Postimi i plotë i epidemiologut

Ku ndodhen shtetet e Ballkanit Perëndimor ne situatën epidemiologjike?

👉 Dr. Tedros Adhanom Ghebreyesus, Drejtori i Pergjithshem i Organizates Boterore te Shendetesise, kur deklaroi pandemine sqaroi edhe qe:

👉 “…Nëse shtetet hetojnë, testojnë, trajtojnë, izolojne, gjurmojne dhe mobilizojne personelin e tyre (ne përgjigjen ndaj infeksionit), shtetet me pak raste COVID-19 mund te evitojne qe ato raste te kthehen ne grupe, dhe qe ato grupe te kthehen ne transmetim komunitar…”

👉 OBSH nuk ka një përkufizim specifik për transmetimin ne grup (cluster transmissions). Ky përkufizim mund te përdoret për te përshkruar infektime qe janë shume te perqendruara ne nje lokalitet te kufizuar, shpesh brenda familjes apo rrethit te ngushte profesional ose shoqeror.

Ne këto raste, burimi i infektimit njihet dhe mund te gjurmohet prapa.

👉 Sipas OBSH-se: “Transmetimi komunitar evidentohet nga paaftesia per te lidhur gjurmet e rasteve te konfirmuara permes zinxhirit te transmetimit per nje numer te madh te ketyre rasteve.”

Pra, permes nje thjeshtimi epidemiologjik mund te themi se ne gjuhen e semaforit:

💚 E gjelbër – Raste sporadike me COVID-19 ose aspak raste

💛 E verdhe – Grupe rastesh me COVID-19

E kuqe – Transmetim komunitar i COVID-19

👉 Sipas Raportit te Situates nr. 195 te OBSH (2 Gusht 2020), te bashkengjitur:

💛 Shqiperia – Grupe rastesh

💛 Maqedonia e Veriut – Grupe rastesh

💛 Mali i Zi – Grupe rastesh

Kosova – Transmetim komunitar

Serbia – Transmetim komunitar

Bosnje-Hercegovina – Transmetim komunitar

💛 Po ashtu, si Grupe Rastesh paraqiten edhe vendet e BE-se fqinje si Italia, Greqia, Kroacia, Sllovenia

Pra, shtetet me grupe rastesh jane ende epidemiologjikisht ne gjendje qe te evitojne perkeqesimin e situates duke:

Ruajtur distancen fizike (2 metra)

Ruajtur higjienen e rregullt te duarve

Mbajtur masken nese nuk ruhet dot distanca fizike

🚫 KUJDES TE MADH KOSOVES SEPSE SITUATA KA DALE JASHTE KONTROLLIT EPIDEMIOLOGJIK

 

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.