Hetuesit kanë zbuluar detajet të reja mbi atentatin e ndodhur më 8 janar në Fier, ku mbeti i vdekur një person dhe u plagosën dy të tjerë. Policia ka identifikuar si autor të atentatit Ermal Binjakun, i cili dyshohet se ka vrarë Denis Kasajn dhe plagosur Klement Kastratin dhe Elton Margaritin.
Të vetmet detaje që kanë dalë mbi ngjarjen janë ato të dëshmuara nga i arrestuari Ilir Metushaj nga Vlora, i cili tregoi shënjestrën e atentatit, ndërsa vetë të plagosurit nuk kanë dhënë ndonjë detaj që të çoje hetimin drejt një piste të qartë.
Ndërkohë, Ylli Nazeraj, i ndaluar me urdhër të Prokurorisë së Krimeve të Rënda si bashkëpunëtor në atentat, rezulton se ka folur në telefon me Ermal Binjakun mbi ngjarjen e ndodhur në Mbrostar. Gjithashtu, nga vrojtimi i me GPS në momentin e atentatit, telefoni i Nezerajt ndodhej vetëm pak metra larg vendin ku ndodhi ngjarja.
NDIQE LIVE "PANORAMA TV" © Panorama.al