Përfshirja e Tom Doshit në lista/ Ambasadorja Yuri Kim: PD nuk e do në Parlament! Të tjerët mos të qëndrojnë të heshtur, nga kush keni frikë?

Mar 24, 2021 | 8:01
SHPËRNDAJE

Ambasadorja amerikane në Shqipëri, Yuri Kim ka reaguar sërish ndaj rastit të Tom Doshit, i cili është në listat e kandidatëve për deputetë.

tom doshi-yuri kim-zgjedhjet-kandidat

Në një postim në twitter, Kim iu ka bërë thirrje të gjithë palëve politike që të mos heshtin ndaj përfshirjes së udhëheqësit të PSD-së në listat e kandidatëve për zgjedhjet e 25 Prillit.

Në postimin e saj, ambasadorja thotë se Partia Demokratike dhe të tjerë nuk duan në parlament dike që është përfshirë në korrupsion.  Ndërsa thekson se parti të tjera duhet të reagojnë që qytetarët të mos mendojnë se janë aleatë me personat që kanë probleme me ligjin.

Diplomatja amerikane ka ripublikuar postimin e Departamentit Amerikan të Shtetit të vitit 2018, që shpallte “non grata” në SHBA Tom Doshin.

“Kemi vënë re që Partia Demokratike dhe të tjerë nuk e duan në Parlament dikë që është përfolur për korrupsion. Të tjerëve u them: Nga çfarë keni frikë? A është e “dobishme” që të qëndrojmë të heshtur? Pse i lini njerëzit që të mendojnë se jeni aleatë? Kjo është ajo që mendoni se meritojnë votuesit? Shqipëria meriton më shumë”, thuhet në postimin e ambasadores amerikane.

kim

TOM DOSHI KANDIDON NE DY QARQE

Deputeti Tom Doshi kandidon në dy qarqe në zgjedhjet e 25 prillit. Në listat e depozituara në Komisionin Qendror të Zgjedhjeve, Doshi renditet i pari në listën e Partisë PSD në Qarkun e Tiranës dhe Shkodrës.

 

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/