“Përfshirja e qytetarëve në vendimmarrje”/ Bashkia e Tiranës merr çmimin në Bilbao

| 15:45
SHPËRNDAJE

 

cmimi-bashkia-tiranesdBashkia e Tiranës ka marrë në Bilbao të Spanjës një vlerësim në fushën e urbanistikës dhe e biznesit. Kësaj radhe sipas Bashkisë, ky institucion ka fituar çmimin “Për praktikat më inovative për përfshirjen e qytetarëve në vendimmarrje”.

Nënkryetari i Bashkisë së Tiranës, Arbjan Mazniku ishte në Bilbao për të tërhequr çmimin dhe për të prezantuar disa nga nismat e ndërmarra në kryeqytet gjatë këtyre katër viteve dhe përfshirjen e qytetarëve.

“Është një frymëzim sesi mund të ndryshojnë gjërat. Qenia këtu është një mundësi për të mësuar më shumë e më mirë nga njëri-tjetri, si të jemi më të përfshirë dhe në gjendje të përmirësojmë mënyrën sesi u shërbejmë qytetarëve tanë”, tha nënkryetari Mazniku.

Mazniku nënvizoi se transformimi që ka pësuar Tirana vitet e fundit ka ardhur falë energjisë së re të krijuar përmes përfshirjes të sa më shumë njerëzve. “Së pari, një falenderim për qytetin e Bilbaos që na mikpriti, e së dyti për EBRD-në që na propozoi. Mendoj se një nga rregullat më të mëdha që një nismë të ketë sukses është përfshirja e sa më shumë njerëzve. Kjo është pikërisht ajo që bëmë edhe me nismën e pemëve: ftuam njerëzit të mbjellin pemë”, theksoi ai.

Në raportin e saj, PICSA vlerëson 113 qytete nga e gjithë bota për prosperitetin gjithëpërfshirës dhe zhvillimin ekonomik.

bashkia tiranes

 

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.