UPDATE/ Kreu i Partisë Demokristiane, Nard Ndoka, pas takimit me kreun e PD, Lulzim Basha ka bërë me dije se ende nuk ka një marrëveshje konkrete koalicioni mes dy partive për zgjedhjet e 21 qershorit.
Pas afro 1 orë takimi, Ndoka tha se ‘nuk ka ende tym të bardhë. Negociatat vijojnë. Po diskutohen disa çështje’.
Demokristianët nuk e pritën mirë zyrtarizimin e kandidaturës së PD-së në Fushë Arrëz, një bashki që e kërkonin me çdo kusht.
I kontaktuar më herët nga “Panorama Online”, kreu i PDK-së Nard Ndoka tha se takimi do të vendosë për fatin e koalicionit.
Por ai përsëriti shqetësimin se PD-ja vijon të publikojë emrat e kandidatëve në 61 bashkitë, në mënyrë të pakonsultuar me aleatët.
NDIQE LIVE "PANORAMA TV" © Panorama.al
