Partia Demokratike nuk tërhiqet nga qëndrimi i saj se të gjithë zyrtarët e lartë duhet të bëjnë testin e drogës.
Megjithëse në komisionin e posaçëm parlamentar për dekriminalizimin u ra dakord për një draft të përbashkët ku nuk përfshihej testi i drogës, PD-ja ka bërë sot një lëvizje të re.
Grupi parlamentar demokrat ka propozuar shtimin e dy neneve në ligjin e ri që do të miratohet që ndalon zgjedhjen e zyrtarëve që rezulton pas analizave se janë përdorues droge.
“Përdorimi i substancave narkotike përbën kusht pengues për të mbajtur, për tu zgjedhur apo për të emëruar në një nga funksionet publike të përcaktuara në nenin 2 dhe 3 të këtij ligji”, thuhet në një prej propozimeve të demokratëve.
Ajo që do të shikohet në ditët e ardhshme është fakti nëse PD-ja do ta kushtëzojë miratimin e ligjit me pranimin nga maxhoranca të këtyre dy neneve.
Nëse demokratët nuk do të heqin dorë nga testi i drogës, siç Basha deklaroi pak ditë më parë se ky nuk është një kusht i panegociueshëm, ligji i dekriminalizimit nuk do të miratohet.
