Kryetarja e LSI-së, Monika Kryemadhi ka reaguar pas deklaratës së Gazmend Bardhi i cili tha se PD i ofroi 15 mandate të sigurta nëse ata do të hynin në një listë të përbashkët në zgjedhjet e 25 prillit.
Me anë të një postimi në rrjete sociale, kryetarja e LSI-së i mohon deklaratat duke i konsideruar si një mashtrim pervers që kalon çdo limit njerëzor.
Kryemadhi ngre një pyetje se kur është mbledhur kryesia e PD-së për t’i propozuar LSI-së listën e përbashkët. Sipas saj, deklaratat e Gazmend Bardhit i shtohen mastrimeve që për djegien e mandateve do kishin mbështetje nga Merkel dhe PPE.
Postimi i Monika Kryemadhit:
Një pyetje për të gjithë anëtarët e kryesisë së PD: Kur është mbledhur kryesia e PD për t’i propozuar LSI listën e përbashkët? Në cilën ditë dhe orë? Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara. Një mashtrim pervers që kalon çdo limit njerzor dhe që i shërben vetëm Ramës dhe hijes së tij.
Sekretari i Përgjithshëm i PD-së, Gazmend Bardhi deklaroi në emisionin Open se PD i ofroi LSI-së 15 mandate nëse do hynin në zgjedhjet e 25 prillit në një listë të vetme. Sipas tij, LSI i ishte përgjigjur se mund të fitonte e vetme 34 mandate.
NDIQE LIVE "PANORAMA TV" © Panorama.al
