Partia Demokratike akuzon kryeministrin Edi Rama dhe kryebashkiakun e qytetit të Kavajës Elvis Roshi, për skema të manipulimit të zgjedhjeve duke regjistruar rreth 60 votues me kontrata qiraje çdo ditë. Në një deklaratë për mediat, deputeti i Partisë Demokratike, Eduard Halimi, deklaroi se opozita disponon rreth 194 dokumente ku vërtetohen skemat e regjistrimit të popullsisë në ambiente publike të Bashkisë së Kavajës.
“Rezulton me fakte i provuar se kandidati i Ramës ka firmosur importimin e 60 votuesve në ditë, qëllim kriminal për të ndikuar në rezultatin e zgjedhjeve të 21 qershorit. I kërkojnë prokurorisë të regjistrojë procedimin penal, të marrë masat që veprimtaria e skemave kriminale të ndalohet menjëherë. Të bëj shembull rastin e ndodhur në Kavajë, e organizatorëve, të pasqyruar me 194 prova shkresore dhe të ngjallë besimin se institucionet e zbatimit të ligjit nuk do të lejojnë blerjen e votave.”,-deklaroi Eduard Halimi.
Sipas tij, rreth 595 votues kanë shkuar në Kavajë për një periudhë të caktuar kohe, duke banuar një fabrikë jashtë kushteve normale. “Qëllimi i kësaj kontrate është interesi për kujdesin e personave që jetojnë jashtë kushteve normale. Shihni se ku ka vendosur 595 persona brenda 12 ditëve.”,-tha Halimi. Deputeti demokrat i bëri thirrje prokurorisë që të nisë hetimet, ndërsa i bëri paralajmëroi edhe trupin diplomatik të akredituar në Tiranë, që të monitorojë nga afër këtë proces, duke vënë theksin që një ngjarje e tillë të mos përsëritet si ajo e ndodhur në zgjedhjet e kaluara në qytetin e Korçës. “Rezulton me fakte i provuar se kandidati i Ramës ka firmosur importimin e 60 votuesve në ditë, qëllim kriminal për të ndikuar në rezultatin e zgjedhjeve të 21 qershorit. I kërkojnë prokurorisë të regjistrojë procedimin penal, të marrë masat që veprimtaria e skemave kriminale të ndalohet menjëherë. Të bëj shembull rastin e ndodhur në Kavajë, e organizatorëve, të pasqyruar me 194 prova shkresore dhe të ngjallë besimin se institucionet e zbatimit të ligjit nuk do të lejojnë blerjen e votave. I kërkojnë partnerëve ndërkombëtarë që të mbështesin prokurorisë për mos lejimin e kësaj skemi të krimit elektoral.”,-tha Halimi gjatë një konference për mediat të mbajtur pasditen e së martës në selinë e PD-së.
