Dy aktorët e famshëm të serialeve turke, Demet Ozdemir dhe Can Yaman, prej disa muajsh po përfliten se janë në një lidhje dashurie.
Edhe pse ata nuk e kanë konfirmuar një gjë të tillë, thuhet se dashuria mes tyre ka lindur teksa xhironin për serialin “Erkenci Kuş”. Madje ata janë parë disa herë në shoqërinë e të njëri-tjetrit.
Mediat turke shkruajnë se Demet dhe Can u panë mjaft të afërt në ditëlindjen e një mikeshe të përbashkët, por ata e mohuan kategorikisht se mes tyre kishte nisur një histori dashurie.
Por së fundmi ka qenë një modele italiane, ajo që ka hedhur poshtë thashethemet se dy aktorët janë në bashkë.
Can ka bërë një vizitë në Itali, ku ka takuar modelen, e cila është shprehur se vetë aktori i ka treguar vetë se nuk është në një lidhje me Demet.
“Ne u takuam gjatë pushimeve dhe kaluam mjaft mirë me njëri-tjetrin. Can më ftoi edhe në Stamboll. Ai dhe Demet nuk janë në një lidhje, ai ma tha vetë këtë”, është shprehur modelja italiane.
