Këngëtarja Fjolla Morina është rikthyer në rrjete sociale që pas daljes nga paraburgimi, pasi u dënua me gjashtë vite burg nga Gjykata e Kukësit, për “trafikim të armëve dhe municioneve” në Shqipëri.
Ajo publikoi sot në llogarinë e saj në Instagram një foto me rastin e nisjes së vitit të ri shkollor. Në të, këngëtarja shihet së bashku me vajzën e dytë, Alayah, e cila nis klasën e parë.
Fjolla zgjodhi një kostum të bardhë për këtë ditë të rëndësishme të vajzës së saj, së cilës i bëri një dedikim: “Një fillim i ri sot për ty vajza ime e vogël. Jam shumë krenare me ty. Suksese për ty dhe për të gjithë fëmijët anë e kënd botës”.
Ndërkohë, Fjolla dhe bashkëshorti i saj, Fisnik Syla, kanë ngritur dyshimet e para se mund t’i kenë dhënë fund martesës.
Biznesmeni ka fshirë të gjitha fotot nga profili i tij në Instagram dhe nuk e ndjek më vajzën e madhe të Fjollës, Ledianën dhe anasjelltas.
Dyshja u martuan në një ceremoni private në Maldive, ku i thanë “Po” përgjithmonë njëri-tjetrit. Megjithatë, duket se mes tyre kanë lindur disa probleme që i kanë shtyrë të ndërpresin kontaktet.
NDIQE LIVE "PANORAMA TV" © Panorama.al