Gjykata ka dhënë vendimin e saj sot në mbrëmje për dënimin me burg të të 9 të akuzuarve të ashtuquajtur grupi i xhihadistëve.
Të dënuarit janë irrituar jashtë mase me vendimin, kanë përmendur terma në gjuhën e Kuranit dhe brenda sallës së gjyqit i janë drejtuar trupit gjykues me fjalët: “Shumë shpejt ju keni për ta marrë dënimin”.
Sakaq, mbështetësit e të dënuarve kanë kërcënuar jashtë gjykatës edhe gazetarët dhe kameramanët që të mos filmonin.
Është dashur ndërhyrja e forcave të Shqiponjës që të normalizojnë situatën.
Sakaq, avokati i grupit të imamëve në një prononcim për gazetarët tha se “ky vendim duhet të acarojë gjithë Republikën e Shqipërisë, është kundër besimit, asaj që ndiejnë besimtarët. Ankimin do e bëjmë ditën, jo sic u dha vendimi natën…shpallet vendimi jashtë orarit zyrtar, është shkelje e hapur…ka qenë totalisht një diskriminim nga fillimi deri në fund, vendimin e prisnim nuk është se nuk e prisnim…gjykata e dhe vendimin për 50 minuta”.
NDIQE LIVE "PANORAMA TV" © Panorama.al
