Një ditë pas finales së madhe të Conference League, Tirana i është kthyer normalitetit. Kryetari i Bashkisë së Tiranës, Erion Veliaj i ka kushtuar një vëmendje të veçantë të gjithë punëtorëve të cilët kanë pastruar të gjithë kryeqytetin me qëllim që të ishte gati për sot në mëngjes.
“Kampionët e tjerë! Ata janë punëtorët e qytetit që e kthyen në normalitet brenda pak orësh kryeqytetin me gjithë fluksin historik të konsumit. Sot në mëngjes Tirana xixë! Ju jemi të gjithë shumë mirënjohës”, shkruan Veliaj ndërsa publikon edhe fotot e punëtoreve qe pastrojnë Tiranen.
Kujtojmë që për dy ditë më radha Tirana u shndërrua në kryeqendrën e Evropës. Mijëra tifozë nga Italia dhe Holanda erdhën në Shqipëri për të parë finalen e madhe të Conference League.
