Trajneri i Bayern, Julian Nagelsmann ka gjetur sërish dashurisë. Pas ndarjes nga bashkëshortja, raportohet se ai ka nisur një romancë me gazetaren sportive, Lena Wurzenberger.
Një foto që ka qarkulluan në grupet e WhatsApp, sipas Sport 1, tregon 34-vjeçarin duke bërë pushime me partneren e re në një jaht në Ibiza.
Trajneri është ndarë prej kohësh nga e dashura e tij e fëmijërisë, Verena, me të cilën u martua në vitin 2018 dhe kanë dy fëmijë së bashku.
Dhe tani duket se ai ka gjetur sërish lumturinë në krahët e 30-vjeçares, e cila dikur e intervistonte, pasi Wurzenberger ishte i punësuar nga Bild si reportere për FC Bayern.
Julian Nagelsmann nuk ka dashur të komentojë jetën e tij private dhe arsyeja e ndarjes me ish-bashkëshorten ka qenë fakti që jetonin të ndarë. Ai është zhvendosur për të jetuar në Hoffenheim në Leipzig pa familjen e tij në vitin 2019.
Ndërkohë gazetares sportive, e cila intervistoi trajnerin e Bayern në muajin maj, do i duhet të heqë dorë nga puna e saj në Bild për të shmangur çdo konflikt interesi midis jetës private dhe profesionale.
“Sapo u bë e publike lidhja e tyre, redaktorët e liruan menjëherë nga detyrat e saj në FC Bayern”, shkruan gazeta.
Mësohet se “Bild” nuk do lejojë më gazetaren të raportojë për klubin e FC Bayern për shkak të marrëdhënies me partnerin.
Julian Nagelsmann gjithashtu do të përpiqet shumë për ta mbajtur private lidhjen e re, veçanërisht pasi lojtarët e Bayernit e njohin personalisht të dashurën e tij nga intervistat e panumërta. Vetë Lena Wurzenberger nuk ka dashur të komentonte.
NDIQE LIVE "PANORAMA TV" © Panorama.al