Fansat e reperit Travis Scott po bëjnë një peticion që ai të performojë në eventin njohur muzikor, Coachella. Artisti nuk mori pjesë këtë vit pas tragjedisë që ndodhi në koncertin e tij të fundit Astroworld, ku vdiqën 10 persona dhe qindra të tjerë u plagosën.
Peticioni në kohë rekord arriti të marrë 70.000 nënshkrime duke treguar kështu dëshirën e zjarrtë të fansave të tij për t’ju bashkuar koncertit. Krijuesi i peticionit shkuajti se nuk ishte faji i Travis Scot për kaosin dhe tragjedinë që ndodhi në Astroworld.
“Ne të gjithë e dimë se tragjedia e Astroworld nuk ishte faji i Travis. Lëreni të kthehet të performojë në skenat madhështore”, citon ai.
Gjithësesi, ka edhe nga ata që nuk janë dakord për rikthimin e tij në koncerte pas asaj ngjarje fatale. Madje ata asokohe krijuan një peticion që Travis Scott të mos performoj në asnjë festival muzikor. Momentalisht, ky peticion është nënshkruar nga 63.000 nënshkrime.
Në një intervistë këngëtari foli mbi ngjarjen e tmershme që iu mori jetën 10 njerzëve duke deklaruar se nuk ishte në dijeni se çfarë po ndodhte derisa u thirr në një konferencë për shtyp.
“Dhe edhe në atë moment ti je, prit çfarë është duke ndodhur? Njerzëve mund t’ju bien të fikët gjatë koncertit, por do të ndodhi diçka e tillë’’, u shpreh ai.
Reperi i njohur gjithashtu tha se e ka ndërprerë koncertin disa herë për t’u siguruar që pjesmarrësit të ishin mirë.
“Ju dëshironi të siguroheni që fansat të marrin vëmendjen e duhur që u nevojitet. Por thjesht nuk dëgjova të bërtituratetyre. Unë kam përgjegjësinë të kuptoj se çfarë ka ndodhur këtu. Unë kam përgjegjësi për të gjetur një zgjidhje”, tha ai. “Shpresojmë se ky do të bëjë një hap para tek ne si artistë që kemi më shumë njohuri për atë që po ndodh rreth nesh.”
