Pas rritjes me 10 lekë të çmimit të biletës duke filluar nga 1 shkurti qytetarët e Tiranës do të paguajnë më shtrenjtë edhe abonetë. Çmimi i abonesë mujore rritet me 75% aboneja e një linje dhe 50% aboneja e përgjithshme.
Ndërkohë që rritje nuk do të ketë vetëm aboneja e studentit, e cila do vijojë të jetë 600 lekë, sa është aktualisht, shkruan GSh.
Ndryshimi i çmimeve të biletave ditore dhe mujore të transportit urban janë miratuar nga Këshilli Bashkiak i Tiranës në datën 30 dhjetor 2015. Javën që vjen këto vendime do të shkojnë për konfirmimin e ligjshmërisë te prefekti i Tiranës, Sadi Vorbsi, i cili sipas ligjit ka 10 ditë afat për konfirmim.
Aboneja e përgjithshme ka dhe përdorim më të madh, pasi qytetarët shpeshherë janë të detyruar që të përdorin më shumë se një linjë të transportit urban.
E vetmja abone që nuk do të pësojë ndryshim është aboneja e studentit, pasi do të ruajë çmimin prej 600 lekësh që është aktualisht.
ÇMIMET
Bileta një udhëtimshe 30 lekë – 40 lekë
Aboneja për një linjë 900 lekë – 1200 lekë
Aboneja e përgjithshme 1200 lekë 1600 lekë
Aboneja e studentit 600 lekë (nuk ndryshon)
NDIQE LIVE "PANORAMA TV" © Panorama.al