Kosova e Maqedonia do i kujtojnë gjatë hitet e periudhës së para 20 viteve, kur performancat e këngëtarëve më të njohur të asaj kohe ishin befasuese. Duetet, edhe pse ishin paksa të limituara, kanë mbetur në memorien e shqiptarëve me dy këngë të realizuara, bashkëpunim mes yllit pop Adelina Ismaili, si dhe grupit rock të njohur “Elita 5”. “Sajzezo” & “Ani moj e majra” janë akoma realizime të pavdekshme dhe këndohen gjithandej nga performojnë këngëtarët. Edhe pse kishte kohë që nuk ishin bërë bashkë për arsye të ndryshme, pak javë më parë ata u shfaqën në një koncert në Zvicër, ku performuan para 4 mijë personave në publik. Radhët e gjata për të qenë pjesë e këtij koncerti kishin filluar që në orët e pasdites dhe koncerti përfundoi në orët e para të mëngjesit. Përveç hiteve personale, Adelina dhe “Elita 5” kënduan bashkë edhe dy hitet e tyre të realizuara në duet. Ndërkohë që mësojmë se do të ketë sërish bashkëpunim mes tyre, tashmë pas 20 vitesh, për të realizuar kështu një tjetër duet së bashku.