Presidenti ukrainas Volodymyr Zelensky ka paralajmëruar se javën e ardhshme Rusia mund të kryejë veprime mizore ndaj ukrainasve, kur përkon me ditën e pavarësisë së Ukrainës.
“Rusia mund të përpiqet të bëjë mizori javën e ardhshme. Një nga objektivat kryesorë të armikut është të na poshtërojë, të mbjellë dëshpërim, frikë dhe konflikt, por ne duhet të jemi mjaft të fortë për t’i rezistuar çdo provokimi dhe të bëjmë pushtuesit të paguajnë për terrorin e tyre”, u shpreh Zelenky.
Dita e Pavarësisë së Ukrainës do të jetë të mërkurën e 24 gushtit, gjë e cila shënon edhe gjashtë mujorin e pushtimit rus.
Ka pasur spekulime se Rusia do të gjykojë luftëtarët ukrainas të kapur gjatë rrethimit të Mariupolit në përvjetorin e pavarësisë.
Në qytetin verilindor të Kharkiv, guvernatori shpalli një shtetrrethim nga mbrëmja e 23 gushtit deri në mëngjesin e 25 gushtit.
“Nuk do të lejojmë asnjë provokim nga armiku. Jini sa më vigjilentë gjatë festës sonë të pavarësisë”, ka shkruar Oleg Synegubov në Telegram. Kharkiv ka qenë nën bombardimet e rregullta ruse për javë të tëra dhe të dielën shërbimet e urgjencës thanë se dy civilë të tjerë u vranë në sulmet gjatë natës. Katër civilë u raportuan të vrarë rusët në Donetsk.
NDIQE LIVE "PANORAMA TV" © Panorama.al
