Ka përfunduar në rezultatin 0-0 ndeshja mes Armenisë dhe Danimarkës, takim i vlefshëm për eliminatoret e “Euro 2016”.
Ky është barazimi i dytë që danezët marrin pas atij me Shqipërinë me rezultatin 0-0 në Kopenhagen të premten që shkoi.
Danezët cilësohen si rivalët direkt të Kombëtares shqiptare të futbollit në grupin I, referuar edhe rezultateve të fundit.
Me barazimin e marrë në Armeni, danezët shkojnë në kuotën e 12 pikëve, ndërsa kuqezinjtë e De Biazit kanë 11 pikë.
Por avantazhi për Kombëtaren shqiptarë të futbollit qëndron në faktin se kanë edhe tre ndeshje për të zhvilluar, me Portugalinë mbrëmjen e së dielës në orën 20:45, me Serbinë në “Elbasan Arena” dhe Armeninë në fushë të huaj.
Ndërsa danezëve u mbetet edhe një ndeshje për të luajtur kundër luzitanëve në fushën kundërshtare, përjashtuar një miqësore me Francën.
NDIQE LIVE "PANORAMA TV" © Panorama.al
