U zhvilluan në juglindje të vendit 2 duele miqësore të cilat përfunduan në barazim 1-1. Në Korçë u përball Skënderbeu I Migen Memellit me Devollin, skuadër që militon në Kategorinë e Dytë.
Bardhekuqtë nuk mundën të shkonin më shumë se barazimi në këtë duel. Një ndeshje më 2 tablo, teksa në fragmentin e parë, trajneri Memelli hodhi në fushë, lojtarët në provë dhe ata të ardhur nga ekipi i të rinjve. Fragmenti i parë u fitua nga bilishtarët, ku kapiteni Përe, shndërroi në gol penalltinë e fituar nga Demollari. Në pjesën e dytë, trajneri Memelli hodhi në fushë altilerinë e rëndë, por nuk mundi ta përmbyste sfidë. Golin e barazimit për Skënderbeun e shënoi Dean Liço me kokë.
Një tjetër duel interesant u luajt në juglindje të vendit, në stadiumin e Pogradecit u përballën vendasit e trajnerit Samuel Nika, me Besën e Kavajës.
Edhe kjo përballje nuk prodhoi fituesit. Pogradecarët, që këtë sezon do të militojnë në Kategorinë e Dytë, kaluan të parët në avantazh me anë të Berberit që shënoi me penallti, ndërkohë që për Besën barazoi mesfushori Sulovari në minutën e 50-të.
REZULTATET E DY MIQËSOREVE:
SKËNDERBEU-DEVOLLI 1-1
GOLAT: Liço / Përe (p)
POGRADECI – BESA 1-1
GOLAT: Berberi 24′ / Sulovari 50′
PANORAMASPORT.AL
NDIQE LIVE "PANORAMA TV" © Panorama.al