Nënë Tereza bëhet shenjtore më 4 shtator. Mediat italiane raportojnë sot se Papa ka formosur dekretin sipas të cilit, misionarja katolike shqiptare Nënë Tereza do të shpallet shenjtore më datën 4 shtator 2016.
Selia e Shenjtë, nga ana e saj ka informuar për këtë ngjarje, cilësuar të jashtëzakonshme autoritetet më të larta të shtetit italian.
Ajo kërkon garantimin e mikpritjes dhe sigurisë së besimtarëve të shumtë që do të jenë të pranishëm në sheshin e Shën Pjetro.
Nënë Tereza u lumturua më 19 tetor të vitit 2003 nga Papa Gjon Pali II.
Me gjeneralitetet shqiptare Gonxhe Bojaxhiu, Nënë Tereza mori nënshtetësinë indiane në vitin 1948.
Rama: Fale vullnetit te Papa Franceskut
Kryeministri Rama ka reaguar pas lajmit për shpalljen e datës për shenjtërimin e Nënë Terezës, duke theksuar se ajo ngjiti qiellin e lavdise se altareve te kishes se perbotshme, fale vullnetit te Papa Franceskut.
“Pas lumturimit, 13 vjet më parë, Nënë Tereza ngjiti sot qiellin e lavdisë së altareve të mbarë Kishës së përbotshme, falë vullnetit të Papa Françeskut. Ajo i’u bashku kështu edhe shenjtëve që Shqipëria i ka përfalur njerëzimit dhe besimit tash sa mot. Forcë e shembullit të njehsimit me dashurinë për tjetrin, Nënë Tereza është e parëlindura shenjtore shqiptare e shekullit të ri dhe me siguri, një uratë për lumturimin e 40 martirëve shqiptarë. Të cilët u përdëllyen në mbrojtjen e besimit dhe të ndërgjegjes përgjatë kalvarit të ferrit komunist, në shekullin që lamë pas!”- shkruan Rama ne profilin e tij ne FB.
NDIQE LIVE "PANORAMA TV" © Panorama.al