Kristian Panuçi ka paditur ish-presidentin e republikës së Shqipërisë, Bujar Nishanin, për fyerje dhe cenim të imazhit. Ditët e fundit mësohet se padia është depozituar në gjykatë dhe ka të bëjë me deklaratën që ish-kreu i shtetit kishte bërë pasi Shqipëria u mund me Kosovën 3-0 në fund të majit.
Në një postim në Facebook, Nishani shkruante se Panuçi është një sharlatan dhe po shkatërron atë që është ndërtuar. “Kosovë – Shqipëri (3 : 0). Bravo Kosova! Panuçi një sharlatan që po shkatërron dhe atë që ishte ndërtuar.”, ka qenë ky reagim i Nishanit pas ndeshjes. Këtë nuk e ka kapërditë dot trajneri i Kombëtares së Shqipërisë dhe i është drejtuar gjykatës.
Trajneri Panuçi, në padinë e ngritur, është bazuar në nenet 608, dhe atë 654 të Kodit Civil.
Mësohet se Panuçi në padinë e tij është shprehur se i është cënuar nderi, personaliteti dhe reputacioni, dhe kësisoj kërkon një përgënjeshtrim dhe shlyerjen e dëmit pasuror nga ana e Nishanit.
