Ghislaine Maxwell është dënuar me 20 vite burg pasi tha në mbledhjen e gjykatës që Jeffrey Epstein ishte ‘pendimi më i madh i jetës së saj’ dhe u kërkoi falje viktimave ‘për dhimbjen që i bëri të përjetojnë’.
Gjykatësi Alison Nathan dha dënimin me 240 muaj, i ndjekur nga pesë vjet lirim të mbikëqyrur në gjykatën federale të Manhatanit. Gjykatësi vendosi një gjobë prej 750,000 dollarë.
Para dënimit, Maxwell, e shfaqur me një uniformë burgu blu, e prangosur, iu drejtua gjykatës dhe tha se ishte ‘mashtruar’ nga Epstein.
“E kuptoj se jam dënuar për ndihmën e Jeffrey Epstein për të kryer këto krime,” tha ajo. “Lidhja ime me Epstein do të më njollosë përgjithmonë. Është keqardhja më e madhe e jetës sime që e kam takuar ndonjëherë’. Para se të fliste, Maxwell u detyrua të përballej me viktimat e saj të trafikimit seksual, ndërsa ato jepnin dëshmitë e rënda.
Annie Farmer, Sarah Ransome, Elizabeth Stein dhe një grua e njohur vetëm si Kate rrëfyen deklaratat e tyre tronditëse. Ato u lutën për dënimin më të gjatë të mundshëm dhe kërkuan që Maxwell të kalonte pjesën tjetër të jetës në burg.
“Unë nuk isha asgjë më shumë se një lodër seksi me një rrahje zemre dhe shpirt që përdoret për të argëtuar Epstein, Maxwell dhe të tjerët,” tha Ransome, duke shpërndarë foto të saj në një shtrat spitali pasi u përpoq të vriste veten kur trauma e abuzimit seksual u bë e padurueshme.
Në një vizitë në ishull, kërkesat seksuale, degradimi dhe poshtërimi, pasuan në përpjekje për të shpëtuar duke u hedhur nga një shkëmb në ujërat e infektuar nga peshkaqenët.
“Unë u kapa nga Maxwell disa momente para se të kërceja. Në atë kohë, ajo arratisje jashtëzakonisht e rrezikshme dukej më tunduese sesa të përdhunohesha edhe një herë”. Ransome tha se ishte vetëm 22 vjeç kur mbërriti në Nju Jork me shpresën për të ndjekur Institutin e Teknologjisë së Modës.
Ajo tha se ishte në shënjestër të një rekrutuesi Epstein-Maxwell të quajtur Natalya Malyshev në një klub, i cili organizoi që ajo të takonte miliarderin, që dyshohet se i premtoi se do ta ndihmonte në ofrimin e mbështetjes financiare për të ndjekur shkollën e saj të ëndrrave.
“Epstein dhe Maxwell ishin mjeshtër në gjetjen e vajzave dhe grave të reja, të pambrojtura për t’u shfrytëzuar”, tha Ransome.
“Megjithatë, menjëherë pasi më përgjuan mua dhe të tjerët në një ndjenjë të rreme rehatie dhe sigurie, ata u vërsulën, duke na futur në grackën e tyre në botën e tyre të shtrembëruar të përdhunimit”.
Ashtu si Hotel Kalifornia, ju mund të shkoni në burgun Epstein-Maxwell të ferrit seksual, por nuk mund të largoheshit kurrë. Ghislaine me dorën e saj, më detyroi të hyja në dhomën e Epstein për t’u përdhunuar.’
Stein zbuloi se ajo duhej të bënte një abort pasi u përdhunua shumë herë dhe Kate tha se ‘asaj nuk i vjen keq dhe do ta bëjë sërish.’
Gjatë dëshmisë, Maxwell qëndroi stoike dhe iu shmang syve të viktimave të saj. Fermer mezi mbajti lotët teksa i kërkoi gjykatësit të merrte parasysh ‘vuajtjet e vazhdueshme të shumë grave që ajo abuzoi dhe shfrytëzoi’.
Prokurorët i kishin kërkuar gjykatësit Nathan që të shqyrtonte një dënim prej të paktën 30 vjetësh për shkak të ‘mungesës së plotë të pendimit’ të Maxwell, ndërsa ajo pretendoi se duhet të vuante vetëm katër vjet pasi ajo nuk është një rrezik për publikun.
Dënimi shënon fundin e një lufte të gjatë për drejtësi nga viktimat e Maxwell dhe Jeffrey Epstein.
Pasi Epstein vari veten ndërsa priste gjyqin në vitin 2019, vëmendja u kthye te Maxëell, e cila u arrestua një vit më vonë dhe u shpall fajtore në dhjetor pas gjyqit të saj të bujshëm.
Gjatë tre javësh, juria dëgjoi sesi Maxwell ‘i shërbente’ vajzave të mitura për Epstein dhe shijoi rolin e saj si ‘Zonja e Shtëpisë’ në rezidencën e tij në Palm Beach, Florida.
Midis 1994 dhe 2004 Maxwell ishte ‘dora e djathtë’ e Epstein dhe pagoi 200 dollarë për masazhe seksuale ose madje mori pjesë në abuzim. Viktimave, disa deri në 14 vjeç, iu dhanë një shumë të ngjashme parash nëse sillnin miq në Epstein, iu tha jurisë.
NDIQE LIVE "PANORAMA TV" © Panoramaplus.al
