Tetë gota apo më pak? Ja si mund ta llogarisni sasinë e duhur të ujit që duhet të pini çdo ditë

Çdo vit, njerëzit pinë më shumë se 4 trilion metra kub ujë të freskët. Ju ndoshta keni dëgjuar që keni nevojë të pini 8 gota ujë në ditë që të gjitha proceset brenda trupit të funksionojnë mirë.

Sidoqoftë, numri nuk është plotësisht i saktë, raporton “Bright Side”.

Si lindi miti për standardin “8 gota ujë në ditë”?

Të gjithë organet tona përbëhen nga uji: zemra dhe truri janë 73% ujë, ndërsa mushkëritë janë 83% ujë, për shembull. Ideja që një person duhet të pijë 8 gota ujë në ditë për t’i mbajtur ato organe dhe tërë trupin të hidratuar është mjaft e njohur.

Sidoqoftë, këto 8 gota për të cilat dëgjojmë kaq shpesh nuk janë një rregull por një sugjerim i një kategorie të mesme. Në fakt, trupit tuaj mund t’i duhet më pak ose më shumë ujë.

Faktorët që ndikojnë në sasinë e ujit që ju nevojitet

Seksi dhe mosha: Në mosha të ndryshme, trupi përmban sasi të ndryshme të ujit vetë. Kështu, i duhet një sasi e caktuar për të qëndruar i hidratuar. Gjinitë e ndryshme përmbajnë gjithashtu sasi të ndryshme uji në trup.

Pesha: Studimet thonë se të rriturit me një indeks më të lartë të masës trupore ka më shumë të ngjarë të qëndrojnë të dehidruar. Gjithashtu, uji mund t’ju ndihmojë të humbni peshë.

Mjedisi: Nëse jetoni në një vend me mot të nxehtë, padyshim që keni nevojë për më shumë ujë; dhe nëse jetoni afër detit ose oqeanit, ku lagështia është më e lartë, organizmi juaj do të kërkonte më pak prej tij.

Ushtrime: Nëse jeni një atlet ose thjesht ushtroheni rregullisht, do të djersiteni më shumë sesa një person që ka një profesion që nuk e vë në lëvizje. Kështu, duhet të zëvendësoni ujin që humbni.

Gjithashtu, nuk mund të harrojmë për situata të veçanta, të tilla si:

Shtatzënia dhe ushqyerja me gji: Gjatë shtatzënisë, studimet sugjerojnë që gratë duhet të pinë më shumë ujë se zakonisht.

Gjendja e përgjithshme shëndetësore: Gjëra të tilla si ethe ose diarre e bëjnë trupin të humbasë ujë më shpejt se zakonisht. Është e rëndësishme të pini ujë për të parandaluar dehidratimin.

Si të llogarisni sasinë e ujit që ju nevojitet?

Ekziston një  formulë që do t’ju ndihmojë të llogaritni sasinë e ujit që i nevojitet trupit:

Sasia e ujit në litra që duhet të pini në ditë është e barabartë me peshën tuaj në kilogramë shumëzuar me 0,033.

Pasi të llogaritni sasinë, mund të bëni një orar që do t’ju ndihmojë të mbani mend se duhet të pini aq ujë sa ju nevojitet. Për shembull, është më mirë ta filloni ditën tuaj me një ose 2 gota ujë me stomak bosh.

Ndër të tjera, uji në mëngjes rrit energjinë dhe shpejton metabolizmin.

Shënim: Siç u përmend më lart, kushte të ndryshme mund të ndikojnë në këto të dhëna, prandaj është e rëndësishme të dëgjoni se çfarë po ju tregon trupi.

Produkte që mund të zëvendësojnë ujin

Edhe pse ekspertët sugjerojnë të pini ujë të pastër në mënyrë që të merrni të gjitha lëngjet që ju nevojiten, disa njerëz nuk mund të pinë aq shumë ujë gjatë ditës.

Njerëzit mund të zëvendësojnë një pjesë të ujit me fruta dhe perime të ndryshme që përmbajnë shumë ujë. Shalqiri, portokalli dhe kastraveci janë më shumë se 80% ujë. Dhe supa dhe pije të ndryshme, si kafe ose çaj, gjithashtu mund të zëvendësojnë disa filxhanë ujë.