27 Prill, 2019

Sekretet për një lëkurë të tonifikuar pas të 40-ve


A ndiheni keq para pasqyrës kur mendoni se do të vijë dita kur shenjat e plakjes do të shfaqen në fytyrën tuaj? Megjithatë ekziston mundësia për ta mbajtur sa më larg atë ditë, me gjeste të thjeshta ditore…

Le të fillojmë me teorinë

Lëkura është organi më i madh i trupit të njeriut dhe roli i saj është të na mbrojë nga agjentët e jashtëm. Gjatë viteve ajo i nënshtrohet transformimeve si në nivel qelizor dhe strukturor, të cilat çojnë në një ndryshim progresiv në pamjen e jashtme të lëkurës. Pra, mos u shqetësoni, është normale nëse gjatë viteve që ju të gjeni:

-Ngadalësim të rinovimit të qelizave;

-Humbje të hidratimit;

-Humbje të elasticitetit dhe tonifikimit;

-Shfaqje të rrudhave

-Pika të lëkurës.

Gjendja e thatësisë dhe e lëkundjes së lëkurës e bën atë më pak kompakte, më pak të ndritshme: praktikisht sikur është zbrazur nga brenda. Ka disa faktorë në stilin e jetës suaj që promovojnë plakjen e lëkurës:

-Stresi

-Pirja e duhanit

-Alkooli

-Droga

-Abuzimi me ilaçe

-Dietë jo e duhur

-Mungesa e gjumit

-Mungesa e kujdesit ditor.

Përmes këtij artikulli duam t’ju tregojmë se sa e domosdoshme është një strategji për të rritur shanset për të fituar kundër shfaqjes së shenjave të kohës. Një strategji për “të shpëtuar lëkurën tuaj”, fjalë për fjalë. Sekreti është: që të mposhtni kohën, duhet kohë.

Koha për të cilën po flas është për t’iu kushtuar gjesteve të përditshme, gjeste të vogla që përsëriten çdo vit, vit pas viti, mund të bëjnë ndryshime. Shenjat e plakjes mund të parandalohen, por ato nuk mund të shërohen! (Ose të paktën, jo vetëm me përdorimin e kozmetikës).

Rutina ideale e bukurisë për lëkurën e plakur:

Hapi i parë: pastrimi

Kjo është gjëja e parë që duhet të bëni në mëngjes kur zgjoheni. Pastrimi i lëkurës, duhet të bëhet me kujdes por butësisht. Përdorimi i qumështit të pastrimit është zgjidhja më e mirë! Hidheni qumështin në pëllëmbën e një dore dhe butësisht masazhoni fytyrën pa harruar qafën; pastaj, për të hequr mbetjet e qumështit të pastrimit, përdorni pambuk në mënyrë që të mos acaroni lëkurën e fytyrës, pastaj shpëlajeni me ujë të freskët dhe fshijeni me një peshqir.

Hapi i dytë: tonifikimi

Tonik nuk është një lloj uji termal, por është një koncentrat i vërtetë i lëngshëm i lëndëve ushqyese për lëkurën, themelore në rutinën e bukurisë për të ruajtur shkallën e aciditetit të lëkurës dhe për të rikthyer ushqyes të domosdoshëm. Pas pastrimit të lëkurës me qumësht pastrues, përdorni tonikun, i cili, përveçse jep një pamje më elastike, të butë dhe të shëndetshme, mbyll poret duke lënë një ndjenjë të freskët dhe të rehatshme.

Hapi i tretë: trajtimi

Një tjetër hap i rëndësishëm është aplikimi me lëvizje të butë dhe rrethore të acidit hialuronik në formën e një serumi që hidraton dhe mbron nga stresi oksidativ, i cili është shkaku i plakjes qelizore.  Rezultati është i dukshëm dhe përmirësohet dita ditës!

Hapi i katërt: hidratimi

Siç e përmendëm në fillim, lëkura na mbron, por kush e mbron lëkurën tonë? Lëkura e hidratuar është një lëkurë kompakte, e cila në mënyrë adekuate i kundërvihet agresioneve të jashtme. Pra, si ta bëni më mirë atë? Me krem dite, natyrisht!

E pra, tani jemi gati për make-up dhe jemi të sigurt se kemi bërë gjithçka për të mbrojtur lëkurën tonë!

Dhe në mbrëmje? Hapat janë mjaft të ngjashëm:

Pastrimi: eliminoni papastërtitë që janë vendosur gjatë ditës në fytyrë dhe kozmetikën që pengon lëkurën. Përdorni pastrues për të projektuar posaçërisht për syrin, i cili shpërbën make-up-in në zonat delikate. Aplikojeni me gishta mbi të gjithë syrin, lëreni të veprojë për dy sekonda dhe hiqeni me tampon pambuku.

Tonifikimi: si në mëngjes, është i domosdoshëm që të tonifikoni lëkurën pasi ta pastroni atë me një locion specifik. Toniku heq mbetjet e Qumështit Pastrues nga fytyra, zvogëlon poret, ushtron një efekt ftohës dhe zbutë ndonjë ndjesi acarimi dhe shtrirjeje, duke e bërë lëkurën më elastike, të butë dhe të qëndrueshme.

Trajtimi: Është e rëndësishme për lëkurën që të siguroni ato ushqyes të dobishëm për rindërtimin e qelizave dhe të ngadalësojnë shenjat e plakjes. Përdorni serum anti-oksidues, i cili forcon enët e gjakut dhe indin lidhës, përmirëson pamjen e lëkurës duke parandalon shenjat e plakjes.

Hidratimi: në këtë hap të fundit është i nevojshëm hidratimi i lëkurës për ta përgatitur atë për natën. Pra, në përmbledhje, këto janë gjestet e vogla të përditshme që ju ndihmojnë të “ruani lëkurën tuaj”:

-Pastrimi

-Bonifikimi

-Trajtimi

-Hidratimi

/Revista Psikologjia/

NDIQE LIVE "PANORAMA TV"
© Panoramaplus.al