Jeni duke fjetur dhe papritmas zgjoheni nga një zhurmë e pazakontë që vjen nga brenda shtëpisë tuaj. Mendja menjëherë ju shkon tek më e keqja, duke supozuar se dikush ka hyrë në shtëpinë tuaj ose po përpiqet të futet.
“Bright Side” sjell disa arsye pse mund të dëgjohen zhurma të ndryshme gjatë natës në shtëpi dhe kjo nuk lidhet domosdoshmërisht me dikë.
- Druri, metali dhe betoni zgjerohen bazuar në ndryshimet e temperaturës.
Temperatura në shtëpinë tuaj ndryshon shumë gjatë natës në krahasim me pjesën tjetër të ditës. Nivelet e lagështisë ndryshojnë dhe druri, metali, betoni reagojnë ndaj këtij ndryshimi duke u zgjeruar.
- Tubat e ujit mund të kenë nevojë për një shtrëngim.
Ekzistojnë zhurma të ndryshme që tubat mund të prodhojnë gjatë ditës, sidomos natën. Mund të tingëllojë si goditje ose fishkëllimë apo edhe gumëzhitje, por nuk është një fantazmë që e shkakton këtë. Ju mund të keni probleme me rrjedhën e ujit ose probleme me kullimin, prandaj tubat duhet të kontrollohen nëse kanë nevojë për shtrëngim.
- Një shtëpi e re bën zhurmë derisa “të zërë vend”.
Nëse sapo keni lëvizur në një shtëpi të re, ajo vazhdon të kërcasë çdo natë, por mos u shqetësoni. Të gjitha këto zhurma janë vetëm reagimi i ndërtesës ndaj ndryshimeve të temperaturës. Kjo sepse shtëpitë e reja janë ende shumë të lagështa nga të gjitha materialet që janë përdorur për ndërtimin e tyre. Pra, kur fillojnë të thahen, ato zgjerohen, dhe për këtë arsye, janë shumë të zhurmshme.
- Vida të lirshme që mbajnë dyshemenë tuaj prej druri.
Nëse shkalla kërcet shumë, është e mundur që vidat që mbajnë shkallët të jenë çliruar. Përveç shtrëngimit të tyre, duhet të mendoni të shtoni disa vida shtesë për siguri.
- Mund të ketë minj në muret tuaja.
Minjtë kanë aftësinë për t’u riprodhuar në një numër të madh, dhe muret e shtëpisë tuaj janë ideale për këtë. Nëse keni parë vrima të vogla në dërrasat e dyshemesë ose në mure, atëherë ju me siguri po strehoni shumë prej tyre. Ajo që duhet të bësh është t’i joshësh me ushqim.
Ju duhet të gjeni zonat ku ata kanë lënë jashtëqitjet e tyre dhe të vendosni atje çarqe me djathë ose gjalpë kikiriku. Kur ndihen të uritur, ata do të dalin dhe ndoshta do të hanë karremin tuaj.
- Sistemi kullues i çatisë përdoret nga insektet për të hyrë në shtëpinë tuaj.
Kjo mund të bëjë që oborri juaj të mbushet e ujë. Ata gjithashtu mund të përdorin kanalizimet si një vend fshehjeje derisa të mund të hyjnë në shtëpi përmes çatisë. Grumbulli i gjetheve është një ndihmë për insektet për të arritur qëllimin e tyre. Kjo është arsyeja pse pastrimi i tyre është hapi i parë për të mbajtur larg brejtësit e bezdisshëm.
- Sapo keni parë një film horror dhe po imagjinoni gjëra.
Sipas psikologëve, truri ynë mbushet me frikë dhe ankth pasi shikon një film horror. Të gjithë trupat tanë janë të stimuluar dhe presin një kërcënim të padukshëm për të sulmuar. Fokusi ynë mendor bëhet më i mprehtë, adrenalina rritet, dhe zemrat fillojnë të rrahin shpejt.
Një profesor i psikologjisë këshillon që sa herë që na kaplon ankthi pasi kemi parë një film të frikshëm, duhet të bëjmë diçka. Pyesni veten se sa i mundshëm është ai skenar hipotetik që keni në kokë.
NDIQE LIVE "PANORAMA TV" © Panoramaplus.al