“Pederast, hajde në përballje!” Cllevio flet për herë të parë: Nga sherri me Noizyn te kërcënimi i Dj të tij dhe kunjat ndaj Stresit

Kleviol Ahmeti, i njohur ndryshe si Cllevio, është lënë mbrëmjen e djeshme i lirë pasi prej më shumë se një muaji ndodhej në burg për shkak të thyerjes së masës “arrest shtëpie”, pas sherrit me Noizyn. Pak ditë më parë Gjykata e Lushnjes mori vendimin në lidhje me reperin, duke vendosur që ai të lirohet.

Menjëherë pas kësaj, ai ka bërë një ‘live‘ me Arjan Konomi, me të cilin kishte folur për sherrin e bujshëm me Noizyn, duke treguar në detaje se si ndodhi ngjarja dhe se kishte shkuar për t’i kërkuar falje, ndonëse mendonte se mund t’i ndodhte edhe më e keqja.

Cllevio gjatë bisedës e ka ftuar sërish Rigels Rajkun (emri i vërtetë i Noizyt) për një përballje tjetër, por të jetë vetëm dhe diku më larg.

“Kujtoni se kam frikë ngaqë më gjuajti ai? Nuk më ka dhënë popullaritet fare, se nuk ngrihem nga ata unë. Nuk shkova atje për grushta unë. Të më thoshte pederasti që mos të shkoja, por as po, as jo nuk tha. Ti je shumë i fortë, të kam thënë. Tani si është historia, po të bëj këtë sfidë, kam bërë ca ushtrime. Më shiko mirë, zgjedhe ditën, vendin, diku larg që të mos kesh lepurusha pas teje”, tha ai. “Kurse ty Crax, a e di çfarë do të bëj, ke dhjetë ditë kohë”, vazhdoi Cllevio më tej duke kërcënuar edhe DJ e Noizyt.

Mes të tjerash, ai tha se pas sherrit ka qenë në gjendje depresioni dhe ka marrë mjekime. “Kam përdorur qetësues dhe jam mirë tani”-tha ai.

Në një video tjetër ai tregon grafitin që ka në shtëpinë e tij duke thënë se së shpejti do shkruaj edhe emrat e shokëve të tij, përveç Stresit. “Të gjithë çunat që janë si familje do i shkruaj te muri, përveç Arkimedit.”-thotë ai gjatë videos.

Edhe pse ishte mik me Cllevion, Stresi mbajti anën e Noizyt në sherrin e tyre. Ai u shpreh se këtë situatë ia kishte parashikuar, që pas sharjeve të mikut të tij disa kohë më parë kundrejtë familjes së Noizyt. “Ca ka*in doni me tregu live. Ju ta hani mu*tin,  ju të live-it. Klevio ka bo çfarë ka merituar e dinë edhe vetë Klevio, se ja kam parashikuar meqë doni me ditë. Se më keni çuar 8000 mesazhe. Nuk mbroj kërkënd unë kur i shahet motra. Kam hy tri herë me i mbyll këto muhabete. Nuk është Klevioli i vetmi shokë i imi që goditet. Është i dyti, edhe pse, se s’më ka dëgjuar mua. Unë i kam lutë, mos e vëlla mos ia shaj motrën kërkujë. Leni budallaqet. Rrini të qetë, mos u bini njerëzve në qafë. Mundohuni me i harru disa gjëra,”-u shpreh Stresi asokohe.